Бу хакта Республика Рәисенең матбугат хезмәте хәбәр итә.

Рөстәм Миңнеханов ассызыклаганча, Россия-Беларусь мөнәсәбәтләре кысаларында Беларусь Республикасы белән хезмәттәшлек Татарстан өчен зур әһәмияткә ия. «Безнең илләрнең президентлары бер-беребезгә ничек ярдәм итәргә кирәклеген күрсәтә», — диде ул.

Рөстәм Миңнеханов быел май аенда Брестка эш сәфәрен искә төшерде. Ул аларның тарихны һәм халык хәтерен саклау өлкәсендәге эшләрен югары бәяләде.

Моннан тыш, Татарстан Рәисе шәһәрләребез арасында туры авиарейслар җибәргән өчен рәхмәт белдерде. Виктор Каранкевич та бу өлкәдә уңайлыклар булуын билгеләп үтте.

Узган ел йомгаклары буенча Татарстан белән Белоруссия арасында товар әйләнеше кимүе күзәтелә. Очрашуда киләчәк хезмәттәшлек өчен перспектив юнәлешләр каралды. Транспорт, газ-мотор ягулыгы, шулай ук компрессор, газ суырту техникасы, мәгариф һәм мәдәният өлкәләрендә потенциал булуы билгеләп үтелде.