18 июль көндез Татарстанда циклонның көнчыгышка чигенүе белән һава торышы үзгәрәчәк. Бу хакта Татарстан Гидрометеорология үзәге хәбәр итә.

Синоптиклар фаразлавынча, республиканың аеруча көнчыгыш районнарында көчле яңгырлар, яшен һәм секундына 15–20 метрга кадәр җиткән көчле җил сакланачак. Кайбер урыннарда боз явуы да ихтимал.

Көндез һава температурасы +17...+22 градус чикләрендә булачак.